Երևանի թատրոնի և կինոյի պետական ինստիտուտ

Հասցե:  Ք. Երևան, Ամիրյան 26

Հեռ.: 010-53-63-82

Վեբ Կայք:  ysitc.am

Երևանի թատրոնի և կինոյի պետական ինստիտուտ

1944թ. Երևանում հիմնադրվեց թատերական ինստիտուտ` դերասանական և ռեժիսորական ֆակուլտետներով: Տնօրեն նշանակվեց արվեստի վաստակավոր գործիչ, հետագայում Հայկական ՍՍՀ ժողովրդական արտիստ Վավիկ Վարդանյանը: Ստեղծվեցին դերասանի վարպետության և ռեժիսուրայի, մարքսիզմ-լենինիզմի, թատրոնի ու արվեստի պատմության և ռազմական պատրաստության, իսկ հաջորդ տարում` բեմական շարժման և լեզվի ու գրականության ամբիոններ:
Սկսած 1950 թվականից ինստիտուտում դադարեցվեց ընդունելությունը թատերագիտություն մասնագիտության գծով, կրճատվեց ուսանողների թիվը: Նույնը տեղի ունեցավ Գեղարվեստի ինստիտուտում: 1952թ. երկու ինստիտուտների միավորմամբ ստեղծվեց Երևանի գեղարվեստաթատերական ինստիտուտը: Ռեկտոր նշանակվեց Վավիկ Վարդանյանը:
1952թ. ինստիտուտն ուներ երկու ֆակուլտետ` թատերական և կերպարվեստի: Թատերական ֆակուլտետում բացվել էին ռեժիսորական, դերասանական և թատերագիտական (1944-1962թթ.), կերպարվեստի` գեղանկարչության, քանդակագործության, թատերանկարչության (1949-1958թթ.) և գրաֆիկական (1949-1959թթ.) բաժիններ:
1976թ. ինստիտուտի երկու ֆակուլտետներում կային հետևյալ բաժինները. թատերականը ներառում էր դերասանականը, ռեժիսորականը և երաժշտական կոմեդիայի (1971թ.-ից), կերպարվեստինը` գունանկարչության, քանդակագործության, կիրառական արվեստի (1960թ.-ից` խեցեգործություն, գորգի ձևավորում, մանվածք), արդյունաբերական արվեստի (1963-ից) բաժինները:
1994թ. Երևանի պետական գեղարվեստաթատերական ինստիտուտը բաժանվեց Երևանի գեղարվեստի պետական ինստիտուտի և Երևանի թատերական արվեստի պետական ինստիտուտի:
1999թ. Երևանի թատերական արվեստի պետական ինստիտուտը դարձավ Երևանի թատրոնի և կինոյի պետական ինստիտուտ: